Rut

6 Atunci voi lea i hotărârea te risarel-pe anda le plaia anda Moab, anda codoia că așundea ando Moab că o Iehova ortosardea pesche iacha caring pesco poporo hai dea-les haben, hai lache borea găle laia. 13 avelas te ajucăren len ji cana barionas? Avelas te așen necăsătorime anda lende? Na, mânre șeia! Si man iech bari duch ando ilo cana gândisarav man tumende, anda codoia că o vast le Iehovasco risardea-pe contra manghe”. 14 Von începosarde pale te roven zurales, pala codoia i Orpa ciumidea pesca sasuia hai tiliardea. Tha i Rut așilea laia. 16 Tha i Rut phendea lache: „Na mai phen manghe te jiav dur tutar, te na mai jiav tusa, că code cai va avela te jias tu va avela te jiav vi me hai cai va avela te soves tu code va avela te sovav vi me. Chio poporo va avela mânro poporo hai chio Del va avela mânro Del. 18 Cana dichlea că i Rut sas-li hotărâme te jial laia, i Naomi ci mai phendea lache chanci. 20 Voi phendea le jiuvleanghe: „Na mai phenen manghe Naomi, tha phenen manghe Mara, anda codoia că Codo O Mai Zuralo cărdea mânri viața zurales cărchi. 21 Cana tiliardem, sas man but buchia, tha o Iehova cărdea caște risarav man le vasteia nango. Sostar te phenen manghe Naomi, cana o Iehova așilea manghe contra hai Codo O Mai Zuralo andea o pharimos pe mande?”.