Deuteronomo

7 Pala codoia o Moise achardea le Iosuas hai phendea lesche angla sea o poporo Israel: „Av tromano hai zuralo, pentru că tu va îngăreia cado poporo ando them anda savo o Iehova solahardea lenghe phurenghe că va dela-les lenghe, hai tu va deia-les lenghe sar moștenirea. 8 O Iehova si codo cai va jiala angla tute. Vo va așela tusa. Vo ci va mechela-tu hai ci va părăsila-tu. Na dara hai na izdra!”. 12 Chiden le poporos, le murșen, le jiuvlean, le șiavoren hai codolen cai beșen sar străini cai sile ande tumare forurea, caște așunen, te sichion anda o Iehova, tumaro Del, te daran lestar hai te len sama te încăren sea le dumes anda cadai Legea. 29 Că jianav mișto că pala so va avela te merav va cherena so si nasul hai ci va mai phirena po drom pe savo phendem tumenghe te jian. Hai, anda codoia că va cherena so si nasul andel iacha le Iehovasche hai va prasana-les prin le buchia tumare vastenghe, co sfârșito le ghiesengo va avela pe tumende iech baro nasulimos”.