1 Timotei

3 Cadea sar zuriardem tut te așes ando Efeso cana somas pașă te tiliarav andi Macedonia, sa cadea cherav vi acana, caște phenes caring chichiva te na sicaven aver sicaimos, 4 nici te na așel lenghi goghi ca le paramicea hohamne hai le genealogii. Cadal buchia ci îngăren chanceste lașio, tha anen numai dumes hohamne, ando than te sicaven vareso le Devlestar caște zuriarel o pachiamos. 11 cai sili ando phanglimos la barea vesteasa lași le fericime Devleschi, cai sas manghe dini. 12 Mulțumisarav le Isus Cristososche, amaro Rai, cai dea man zor, anda codoia că pachiaia-pe ande mande hai șiutea man ande leschi buchi, 13 chiar cana mai anglal somas iech cai meliarelas lesco anav, iech persecutorii hai iech cai prasalas. Cu sea cadala, sas manghe sicado lașimos anda codoia că ci jianglem so cherav hai somas iech manuș cai ci sas-les pachiamos. 14 Tha, sas manghe dino but baro lașimos amare Raiestar, hai vi pachiamos hai iubirea cai si ando Cristos Isus. 15 So phenav acana si demno pachiamasco hai ciacio: O Cristos Isus avilo andi lumea caște salvil codolen cai sile păcătoși. Anda cadala, me som o dintuno. 17 Caring o Rege andai eternitatea, cai ci daștil te avel chindo hai nici dichlo cai si o corcoro Del, te jial sea i pachiv hai gloria anda sea o timpo, da veșnico! Amin!