Exodo

15 Atunci o Moise hai le israeliți începosarde te ghilaban le Iehovasche cadai ghili: „Te ghilabav le Iehovasche, că bari arăzlea leschi gloria. Șiudea andi marea le grastes hai o călărețo. 6 Ande chio ciacio vast, o, Iehova, si baro zuralimos; chio ciacio vast, o, Iehova, daștil te chosel cu sea le dușmanos. 11 Con si sar tute mașcar le devla, o, Iehova? Con si sar tute cai sicaves tut baro andi sfințenia, Codo castar trebul te avel amenghe dar hai cai trebul te așaras-les ghilabența, Codo cai cheres minuni? 20 Atunci i profeteasa Miriam, i phei le Aaronoschi, lea i tamburina hai sea le jiuvlea ghilabade hai chălde lasa ande iech than. 21 Hai i Miriam prin ghili phendea le murșenghe: „Ghilaban le Iehovasche, că vo si o mai baro! Șiudinea andi marea le manușes hai lesche grastes”. 24 Hai o poporo astardea te rovarel-pe contra o Moise, hai phendea: „So va avela te pias?”. 27 Pala codoia arăsle co Elim, cai sas 12 hainga hai 70 palmieri. Cadea că, von șiute penghi țărha code, pașa o pai.