Deuteronomo

7 Dacă așunel-pe că iech manuș ciordea ieches anda pesche phrala israeliți hai phiradea-pe nasul lesa hai bichindea-les, codo cai ciordea-les trebul te merel. Te duriares so si jiungalo anda tumaro mașcar. 14 Te na athaves codoles cai cherel tuche buchi hai cai silo andi nevoia hai silo cioro, chiar cana si iech anda che phrala sau iech manuș străino ande chio them, ande che foruria. 15 Te des-les o pochinimos ande sa codo ghies, angla te perel o cham, anda codoia că o manuș silo andi nevoia hai leschi viața încărel catar codo pochinimos. Cadea, vo va dela cingar caring o Iehova contra tute, hai tu va aveia doșalo anda păcato. 16 Le dada te na aven mudarde anda so cheren lenghe șiave, hai le șiave te na aven mudarde anda so cheren lenghe dada. Iech manuș va avela mudardo numai anda lesco păcato. 17 Te na cheres cris banghi ieche manușesche străino sau codolesche bi dadesco hai te na les sar garanția anda iech camimos o hureaimos iecha phivliaco.