Matei

8 Tha tumen te na phenen tumenghe Rabi, anda codoia că iech corcoro silo tumaro Sicaitorii, hai tumen savore san phrala. 9 Mai but sar cadichi, te na phenen chanichasche pa i phuv că si tumaro dad, anda codoia că iech corcoro si tumaro Dad, Codo anda o cerii. 10 Hai te na phenen tumenghe conducători, anda codoia că iech corcoro si tumaro Conducătoro, o Cristoso. 11 O mai baro anda tumende te avel tumaro slujitorii. 12 Con vazdel-pe mai opral sar aver va avela umilime, hai con silo umilo va avela vazdino opre. 23 Vai tumendar, scribi hai farisei! Ipocriți cai san! Anda codoia că tumen den zeciuiala anda menta, anda mărarii hai anda chimeno, tha mechen le buchia mai importanto la Legeache: o ortomos, i îndurarea hai i fidelitatea. Le dintune trebulas te den-le, tha bi te mechen de iech rig le palutne. 28 Cadea vi tumen, de avreal fal-pe că san manușa orta, tha andral san pherde athaimos hai nasulimos. 33 Sapa, șiave le viperenghe, sar va avela te nașen catar i cris la Gheenachi? 35 caște avel opral tumende sea o rat codolengo orta cai sas-lo șiordo pi phuv, catar o rat le Abelosco, iech manuș orta, ji co rat le Zahariasco, o șiav cai sas le Barachias, cas tumen mudardean-les mașcar o sanctuaro hai o altarii.