Luca
19 Pala codoia o Isus gălea andre ando foro Ierihon hai nachlea prin leste. 2 Code sas iech manuș cai bușiolas Zacheu, iech andal șefi cai lenas o impozito; vo sas-lo barvalo. 3 O Zacheu camelas te dichel con si o Isus, tha ci daștilas anda codoia că chidine-pe but manușa, hai vo sas-lo țâno. 4 Cadea că vo nașlea angle hai gălea opre ande iech cașt caște dichel-les, că o Isus avelas te nachel othar. 5 Cana arăslea ande codo than, o Isus vazdea pesche iacha caring leste hai phendea: „Zacheu, av tele sigo, că aghies avav ande chio chăr!”. 6 Atunci vo avilo tele sigo hai primisardea-les anda sea o ilo ande pesco chăr. 7 Cana dichle cadaia, savore astarde te den duma nasul: „Gălea andre te hal ando chăr ieche manușesco cai silo păcătoso”. 8 Tha o Zacheu vazdilo hai phendea le Raiesche: „Ita! Paș anda mânre lașe buchia, Raina, dav-le le ciorenghe hai oriso ciordem averendar dav-les parpale ștar-var”. 9 Atunci o Isus phendea: „Aghies avillea i salvarea ande cado chăr, anda codoia că vo si iech șiavo le Avraamosco. 10 Că o Șiavo le manușesco avilea te rodel hai te salvil so sas hasardo”. 36 Cadea sar jialas vo angle, le manușa zinghiarenas pengo hureaimos po drom. 37 Cana arăslea pașă catar o drom cai îngărelas tele pa o Plain le Măslinengo, sea le but discipoli începosarde te bucurin-pe hai te așaren le Devles voceaia zurali anda le buchia zuralimasche cai dichle-le. 38 Hai phende: „Binecuvântime si codo cai avel sar Rege ando anav le Iehovasco! Pacea ando cerii hai gloria ando ucimos!”. 39 Tha chichiva andal farisei andai mulțimea phende lesche: „Sicaitorina, phen che discipolenghe te așen!”. 40 Tha vo phendea lenghe: „Phenav tumenghe că, dacă cadala așenas, le bara denas cingar”. 41 Cana pașilea catar o Ierusalimo, dichlea o foro hai ruia anda leste,