Revelația
4 Hai așundem o număro codolengo cai primisarde o sigilio: 144 000, sigilime anda sea le triburi le Israelosche: 9 Pala cadala dichlem hai ita: iech bari mulțimea, cai chonic ci daștilas te înghinel-la, anda sea-l națiuni, triburi, thema hai șiba. Von așenas ande pânrănde angla o trono hai angla o Bacro, hureade ande parne robe hai ande lenghe vasta sas ranica palmierosche. 10 Hai denas cingar zurales: „Amari salvarea sili catar amaro Del, cai beșel po trono, hai le Bacrestar!”. 11 Sea-l îngeri așenas ande pânrănde pașa o trono, le phurengo hai le ștar creaturenghe jiuvinde; von mechle tele penghi fața angla lende hai închinisarde-pe le Devlesche, 12 hai phenenas: „Amin! Amare Devlesco te avel o așarimos, i gloria, o goghiaverimos, le mulțumiri, i pachiv, o zuralimos hai i tăria anda sea o timpo, da veșnico! Amin!”. 13 Atunci iech andal phure pușlea-ma: „Con si cadala hureade andel robe parne hai catar avile?”. 14 Phendem lesche sigo: „Mânro Rai, tu jianes!”. Hai vo phendea manghe: „Cadala sile codola cai aven anda o necazo o baro. Von halade penghe robe hai parniarde-len ando rat le Bacresco. 15 Anda codoia sile von angla o trono le Devlesco ghies hai riat hai anen lesche iech servicio sacro ande lesco templo. Codo cai beșel po trono va zinghiarela peschi țărha pa-l lende. 16 Ci va mai suferina bochatar, nici trușatar hai ci va mai marela-le ci o cham, nici vroiech tachimos baro, 17 pentru că o Mielo, cai silo ando mașcar le tronosco, va păstorila-le hai va îngărela-le ca i haing ande savi si i pai la viațache. Hai o Del va chosela sea-l asfa anda lenghe iacha”.