Romani

3 Anda codoia că ci prinjiande o ortomos le Devlesco hai rodine te sicaven pengo ortomos, ci cărde pala o ortomos le Devlesco. 9 Anda codoia, că dacă phenes anda chio mui angla savore că o Isus si Rai hai dacă pachias ande chio ilo că o Del uștiadea-les andal mule, va avela te aves salvime. 10 Anda codoia că le ileia si sicado o pachiamos anda ortomos, tha prin o mui cherel-pe iech declarația publico anda salvarea. 11 Anda codoia că le Scripturi phenen: „Con vazdel pesco pachiamos pe leste ci va fala lesche pharo”. 13 Anda codoia că „oricon va acharela o anav le Iehovasco va avela hastrame”. 14 Tha sar va acharena-les cana ci pachian ande leste? Hai sar va pachiana ande leste cana ci așunde anda leste? Hai sar va așunena bi te predichil lenghe choniva? 15 Hai sar va predichina cana ci sile bișalde? Pala sar si scriime: „Ce șucar si le pânre codolenghe cai phenen vești lașe andal buchia lașe!”. 16 Tha na sea le manușa ascultisarde i vestea lași. Că o Isaia phenel: „Iehova, con pachiaia i buchi cai așundea-la amendar?”. 17 Cadea că, o pachiamos avel pala le buchia așunde, hai codola așunde prin o cuvânto anda o Cristos.