Marcu

19 Tha le pharimata cadala lumeache, o zuralimos hohamno le barvalimatango hai le camnimata pala aver buchia jian ande lende, tasaven o cuvânto hai vo ci mai del rodo. 26 Hai mai phendea: „O Regato le Devlesco si sar cana iech manuș șiudel semințea pi phuv. 27 Andi riat sovel, de teharin uștel, hai ande cado timpo le semințea astaren rădăcini hai barion, bi ca vo te jianel sar. 28 I phuv del rodo pestar ando timpo: mai anglal o firo, pala codoia o spico hai, ji la urmă, i cuchi pherdi ando spico. 29 Tha, cana o rodo silo paco, o manuș lel i secera, anda codoia că avilea o timpo anda o secerișo”. 36 Pala soste mechlea le manușen te tiliaren, von îngărde le Isusos andi barca cadea sar sas-lo; hai sas vi aver bărci pașa lende. 37 Atunci începosardea iech bari barval hai le valuri marenas-pe andi barca, hai i barca mechelas-pe tele ando pai. 38 Vo sovelas andi palutni rig anda i barca pe iech perna. Atunci uștadeles hai phende lesche: „Sicaitorina, ci diches că meras?”. 39 Vo vazdilo, dea cingar la barvaleache, hai phendea la mareache: „Aș! Aș po than!”. Hai i barval așili hai cărdilea-pe iech bari liniștea. 40 Hai vo phendea lenghe: „Sostar daran cadichi de but? Nici acana na-i tumen pachiamos?” 41 Tha von daraile zurales hai phenenas ieche averesche: „Con si, ciaces, codo manuș? Vi i barval hai i marea așunen lestar.”