1 Tesaloniceni

3 anda codoia că anas amenghe andi goghi sea o timpo angla amaro Del hai Dad anda tumari buchi loialo, anda tumari phari buchi pherdi iubirea hai că ci mechlean tumen anda codoia că si tumen speranța ande amaro Rai Isus Cristos. 5 anda codoia că i vestea lași cai predichisaras-la ci arăslea tumende numai dumența, tha vi zuralimaia, spiritoia sfânto hai ieche pachiamaia zuralo. Tumen jianen so felo manușa cărdileam anda tumende cana samas mașcar tumende. 8 Ciaces, datorime tumenghe, o cuvânto le Iehovasco așundilo zurales tumendar na numai andi Macedonia hai andi Ahaia; de fapt, tumaro pachiamos ando Del așundilo peste sea, cadea că ci mai si nevoia te phenas chanci. 9 Că le manușa phenen sea o timpo sar arăsleam tumende i iechto data hai sar risardean tumen catar tumare idoli co Del te slujin sar sclavi ieche Devlesche jiuvindo hai ciacio