Zaharia

4 Hai o îngero cai dea duma manța risailea mande hai uștadea-ma, cadea sar varecon silo ușteado andai lindrî. 2 Pala codoia phendea manghe: „So diches?”. Hai me phendem: „Dichav iech lampadaro cai silo cărdo cu sea anda sumnacai, cai siles iech ciaro opral leste. Pe leste si efta lămpi, da efta, hai ca le lămpi, cai sile o mai opral, silen efta tuburi. 3 Pașa leste si dui cașta măslinosche, iech ca i ciaci rig catar o ciaro hai aver ca i stângo rig”. 6 Atunci vo phendea manghe: „Ita o cuvânto le Iehovasco anda o Zorobabel: «„Cadala ci va cărdiona-pe nici prin armata, nici prin o zuralimos le manușesco, tha numai prin mânro spirito”, phenel o Iehova le armatengo. 7 Con san tu, baro plain? Angla o Zorobabel va avela te cărdios iech than orta. Vo va anela o bar de opral anda o vârfo ando timpo so va dela cingar: „So șucarimos! So șucarimos!”»”. 8 O cuvânto le Iehovasco avilea pale mande, hai phendea: 9 „Lesche vastența o Zorobabel șiutea i temelia cadale chăreschi hai lesche vasta va avela te vazden-les ji co sfârșito. Hai va jianena că o Iehova le armatengo bișaldea-ma tumende. 10 Că con prasadea le țâne începuturi? Von va avela te bucurin-pe cana va dichena i dori anda plumbo cai încărel-la ando vast o Zorobabel. Le efta lămpi si le iacha le Iehovasche, cai dichen pe sea i phuv”. 12 Hai mai pușlem-les: „So si le ranica catar le dui cașta pherde măslinea savendar thabdel o uleio sar o sumnacai prin le dui țevi sumnacune?”. 14 Vo phendea: „Sile codola dui machle cai beșen ande pânrănde pașa o Rai sea la phuveaco”.