Evrei
6 Cadea că, te na așias ca le sicaimata de bază anda o Cristos, tha te jias angle caște barioas ando pachiamos, bi te șioas încă iech data iech temelia, sar avelas i căința andal buchia mule hai o pachiamos ando Del. 10 Că o Del na-i neorta caște bâstrel tumari buchi hai i iubirea cai sicadean-la anda lesco anav cana slujisardean codolenghe sfinți hai cheren cadaia vi mai dur. 11 Tha amen camas ca fiesavo anda tumende te sicavel că silo sa cadea de vreanico caște încărel zurali peschi speranța ji co sfârșito, 12 caște na aven chandine, tha te len tumen pala codola cai prin pachiamos hai răbdarea, moștenin le promisiuni. 15 Cadea că, pala so o Avraam sicadea răbdarea, vo primisardea cadai promisiunea. 17 Sa cadea, cana alosardea te sicavel vi mai claro codolenghe cai moștenin i promisiunea o fapto că lesco scopo ci paruvel-pe, o Del zuriardea peschi promisiunea prin iech solaharimos, 18 hai cadea, prin cadal dui buchia cai ci paruven-pe anda save o Del ci daștil te hohavel, amen, cai nașleam co garaimos, te avas zuriarde hai cadea te astaras zurales i speranța cai si șiuti angla amende. 19 Cadai speranța cai si amen si sar iech ancora anda o sufleto, siguro hai vi zurali. Voi jial andre, părdal i perdeaua,