Psalmii

51 Sicav lașimos caring mande, o, Devla, ande chi bari iubirea! Cher tuche mila mandar hai chos le jiungale buchia cai cărdem-le! 2 Thov-ma cu sea mânră nasulimastar hai ujar-ma mânră bezăhăstar! 3 Că prinjianav mânre uștaimata la legeacă hai mânro bezăh si soavră timpo angla mande. 4 Contra tuche – dintuni-var contra tuche – cărdem bezăh; cărdem so si nasul ande che iacha. Cadea că, tu san orta cana des duma hai ujo cana cheres cris. 5 Dich că năștisailem doșalo hai mânri dei cărdea man ando păcato. 6 Dich! Tu bucuris tut cana diches că ando ilo ieche manușesco si ciacimos. Sicav man o ciacio goghiaverimos caște avel andre ande mande! 10 O, Devla, cher ande mande iech ilo ujo, hai șiu ande mande iech nevo spirito, zuralo! 11 Na duriar man tutar, na le chio spirito sfânto mandar! 12 De-man pale i bucuria chia salvareachi! Cher-man te camav te așunav tutar! 14 Salvisar-ma catar i doș le rateschi, o Devla, o Del mânra salvareaco, ca mânri șib te del duma bucuriaia anda chio ortomos! 17 Le jertfe cai ciaion le Devles sile iech spirito phagărdo; o, Devla, tu ci va avela te risares o dumo ieche ilesche phagărdo hai nichiardo!