Iov
42 Atunci o Iov phendea parpale le Iehovasche: 2 „Acana jianav că tu daștis te cheres sea le buchia hai că oriso șios ande chi goghi daștis te cheres bi te așavel tut chanci. 3 Tu phendean: «Con si cado cai caliarel mânro sfato bi te avel-les prinjianimos?». Da, dem duma, tha bi te hachiarav, andal buchia prea șucar anda mande, cai ci prinjianav-le. 5 Mânro can așundea anda tute, tha acana mânri iach dichel-tu. 6 Anda codoia, lav parpale mânre cuvintea hai căiv man andi phuv hai ando uciar”. 7 Pala soste o Iehova phendea cadal cuvintea le Iovosche, o Iehova phendea le Elifazosche, anda o Teman: „Astardem-ma holiatar contra tuche hai che duie amalenghe, anda codoia că ci phendean o ciacimos anda mande, cadea sar cărdea mânro slujitorii o Iov. 8 Acana len efta guruva hai efta bare bacre, jian ca mânro slujitorii o Iov hai anen anda tumende iech jertfa thabardi, hai mânro slujitorii o Iov va manghela-pe anda tumende. Me va avela te așunav siguro lesco manglimos hai ci va avela te cherav pala tumaro dilimos, anda codoia că ci phendean o ciacimos anda mande, cadea sar cărdea mânro slujitorii o Iov”. 9 Atunci, o Elifaz, o temanito, o Bildad, o șuhito hai o Țofar, o naamatito, găle hai cărde so phendea lenghe o Iehova. Hai o Iehova așundea o manglimos cai cărdea-les o Iov. 10 Pala so o Iov manglea-pe anda pesche amala, o Iehova așadea leschi duch hai dea parpale le Iovosche sea so sas lesco. O Iehova dea-les dui-var mai but sar sas-les mai anglal. 11 Sea lesche phrala hai pheia hai sea lesche amala de mai anglal avile leste caște han ande iech than ande lesco chăr. Von rovle lesa hai zuriarde-les anda o necazo cai o Iehova mechlea te avel părdal leste. Fiesavo dea lesche love hai iech angrusti sumnacuni. 17 Ji la urmă, o Iov mulea, pala iech viața lași hai lungo.