2 Corinteni

3 Dichiol-pe că tumen san iech lil le Cristososco, scriime amendar sar slujitori na cernealaia, tha le spiritoia ieche Devlesche jiuvindo, na pe barăsche table, tha pe masesche table, pe ile. 4 Si amen cado pachiamos angla o Del prin o Cristos. 5 Amen ci pachias că si amen iech merito anda amari calificarea hai că cheras vareso amare zuralimaia, anda codoia că amari calificarea avel catar o Del, 6 cai cărdea-ame te avas califichime te avas slujitori ieche neve legământosche, na ieche codosche scriime, tha le spiritosche; că o codo scriime condamnil co merimos, tha o spirito del viața. 10 Cadea că, chiar i buchi cai aver data sas-la gloria hasardea peschi gloria anda i gloria cai nachel-la. 12 Anda codoia că si amen cadai speranța, amen das duma zurales libero 17 O Iehova si o Spirito hai cai si o spirito le Iehovasco, code si libertatea. 18 Hai amen savore, ando timpo so, pe amare fețe ci si iech vălo, reflectisaras sar le oglinzi i gloria le Iehovaschi, sam cărde caște avas pala lesco chipo hai te reflectisaras sea mai but cadai gloria, cadea sar cherel-ame o Iehova, o Spirito.