Romani
13 Orisavo manuș te avel supuso ca le autorități mai bare, că na-i autoritatea numai catar o Del, tha le autorități so si acana sas șiute ande lenghi poziția relativo catar o Del. 2 Anda codoia, că con vazdel-pe contra le autorități vazdel-pe contra i ordinea șiuti le Devlestar, hai codola cai vazden-pe contra cadaia anen penghe von corcore i cris. 3 Codola cai cheren buchia lașe ci daran codolendar cai rain, tha codola cai cheren buchia nasul daran. Cadea că, cames te na daras codolendar cai rain? Cher sea o timpo so si mișto hai va avena te așaren tut, 4 anda codoia că von slujin le Devlesche anda chio miștimos. Tha, dacă cheres o nasulimos, te daras, că na de ivea phiravel sabia. Von slujin le Devlesche, sar iech răzbunătorii cai anel i pedeapsa pa codo cai cherel o nasulimos. 5 Cadea că, trebul te așunen lendar na numai anda codoia că daran te na aven pedepsime, tha vi anda tumari conștiința. 6 Anda codoia pochinen vi le impozitea; că le autorități sile manușa șiute le Devlestar, cai cheren sea o timpo cadai buchi. 7 Den savorenghe so trebul te avel lenghe dino: codolenghe cai manghen impozito, impozito, codolenghe cai manghen tributo, tributo, codolenghe cai manghen dar, dar, codolenghe cai manghen pachiv, pachiv. 8 Te na avel tumen camimata canicaste decât te iubin tumen iech averes, anda codoia că con iubil pesche pașardes pherdea i legea. 9 Mai but, o codo la legeaco – „te na cheres adultero, te na mudares, te na ciores, te na cames zurales so na-i chiro” hai orsavi aver porunca – si sicado ande cadal cuvintea: „Te iubis che pașardes sar iubis-tu tut”. 10 I iubirea ci cherel nasul le pașardesche; cadea că, i iubirea pherel i legea. 13 Te phiravas-ame pachivales, sar ando timpo le ghiesesco, te na las partea ca le dilivane chefuri hai machiarimata, te na aven amen relații sexualo imoralo hai iech phiraimos lajiavuno, nici te na has-ame sau te avas invidioso. 14 Mai but, len pe tumende le Raies Isus Cristos hai na cheren tumenghe planuri anda so camel tumaro mas.