Exodo

11 Hai phende le Moisesche: „Ci mai si thana ando Egipto anda o prahimos că andean amen te meras cade ando șuco than? Sostar cărdean amenghe cadaia? Sostar lean amen avri anda o Egipto? 12 Ci phendeam tuche cadai buchi ando Egipto? Ci phendeam: «Mech amen te slujisaras le manușenghe anda Egipto»? Că si mai mișto te slujisaras le manușenghe anda Egipto sar te meras ando șuco than”. 13 Atunci o Moise phendea le poporosche: „Na daran! Așen zurale hai va avela te dichen sar va salvila tumen o Iehova aghies! Că le egipteni cas dichen-le aghies ci va mai dichena len niciechdata. 19 Atunci o îngero le ciace Devesco cai jialas angla i tabăra le Israeloschi tiliardea othar hai șiutea-pe pala lende, hai o stâlpo norosco cai sas angla lende gălea andel zăia hai așilea pala lende. 29 Tha le israeliți phirde pi șuchi phuv ando mașcar le bare paiengo hai cadala sas-le sar iech zido ande lenghe riga, i ciaci hai i stângo. 30 Cadea, ande codo ghies, o Iehova salvisardea le israelițen anda o vast le manușengo anda Egipto, hai le israeliți dichle-len mule pașa i marea. 31 Hai o Israelo dichlea o baro zuralimos cai o Iehova sicadea-les contra le egipteni. O poporo începosardea te daral le Iehovastar hai te pachial ando Iehova hai ande lesco slujitorii o Moise.