Psalmii
19 Le ceruri phenen i gloria le Devleschi, cadala sicaven i buchi lesche vastenghi. 4 Cu sea cadala, lenghi mărturia arăsăl pe sea i phuv hai lengo mesajo ji ca le margini la phuveache. Andel ceruri, Vo vazdea iech țărha le chamesche. 5 Cado si sar iech jamutro cai înclel andai camera le biaveschi, bucuril-pe sar iech zuralo murș cai nașel pe pesco drom. 6 Astarel te jial catar iech marginea le cerurenghi ji ca i coaver marginea. Chanci ci daștil te avel garado lesche tachimastar. 7 I Legea le Iehovaschi sili perfecto hai neviarel o zuralimos. Le buchia cai o Iehova anel-le amenghe amintea sile demno te aven pachiame hai cheren goghiaver codoles cai nai-les experiența. 8 Le ordine le Iehovasche sile orta hai cheren o ilo te bucuril-pe; i porunca le Iehovaschi sili uji hai cherel le iacha te strălucin. 9 I dar le Iehovastar si uji hai încărel anda sea o timpo. Le hotărâri judecătorești le Iehovasche sile ciace hai orta ande sea. 11 Prin lende sas phendo de mai anglal che manușesche te lel sama, hai codo cai cherel so așundea va avela-les iech baro pochinimos.