Proverbe

9 O ciacio goghiaverimos vazdea pesco chăr; hai cărdea pesche efta stâlpi. 2 Șindea pesche animalea, hai hamisardea peschi mol, pala codoia șiutea i meseli. 3 Bișaldea pesche slujitoare caște den cingar andal thana uce le forosche: 4 Codoles cas nai-les prea but prinjianimos te avel cade!”. Hai codolenghe bigoghiaco phenel: 5 „Aven, han anda mânro manro hai pien anda i mol cai hamisardem-la! 6 Na mai pachian oriso hai va avena te train, jian angle po drom le prinjianimasco!”. 7 Con ortosarel codoles cai prasal anel opral peste lajiav hai con phenel codolesche nasul so ci cărdea mișto va avela-les but ducha. 8 Na ortosar codoles cai prasal, că va urâla tut. Ortosar le goghiaveres, hai vo va iubila tut. 9 Sicav le goghiaveres, hai vo va avela vi mai goghiaver. Sicav codoles orta, hai vo va bariarela pesco prinjianimos. 10 I dar le Iehovastar si o începuto le goghiaverimasco hai o prinjianimos Codolesco Preasfânto si hachiarimos. 12 Dacă san goghiaver, anda tute san goghiaver, hai dacă san iech manuș cai prasal, tu corcoro va avela te duchaves tut. 13 La jiuvlea cai nai-la goghi sila iech baro mui, sili dili hai ci jianel chanci. 14 Voi beșel angla o udar pesche chăresco, pe iech scamin, andel thana uce le forosche, 15 hai del cingar caring codola cai nachen po drom, cai phiren angle pe lengo drom: 16 „Codoles cas nai-les prea but prinjianimos te avel cade!”. Hai codolenghe bigoghiaco phenel: 17 „Le paia ciorde sile gule hai o manro cai hal-pe garades silo lașio”. 18 Tha von ci jianen că code sile codola cai pașlion bi zuralimasco ando merimos, că le manușa cai aven late sile ande le mai garade thana le Mormântosche.