Coloseni

3 Ande sa codo timpo, manghen tumen vi anda amende, ca o Del te pâtrăl amenghe iech udar anda o cuvânto, caște daisaras te phenas o secreto sfânto anda o Cristos, anda savo sam andel lanțuri le phandaimasche, 5 Phiraven tumen mai dur goghiaverimaia codolența de avreal, hai folosin chichi mai mișto tumaro timpo. 6 Tumare dumes te aven sea o timpo șucar, mișto longhiarde, caște jianen sar trebul te den duma fiesave manușesa. 10 O Aristarh, mânro amal ando phandaimos, bișalel tumenghe lesche salutări hai, sa cadea, vi o Marcu o văro le Barnabasco (anda savo sas tumenghe phendo te primisaren-les anda sea o ilo dacă va avela tumende), 11 hai o Isus, po anav Iust; cadala sile anda codola circumciși. Numai von sile mânre phrala cai cheren buchi manța anda o Regato le Devlesco hai cărdile anda mande iech ajutorii cai zuriarel man.” 12 O Epafras, savo si iech mașcar tumende, o sclavo le Cristososco, bișalel tumenghe salutări. Vo manghel-pe butivar anda sea o ilo anda tumende, caște așen zurale hai te pachian tumen ciaces andi voința le Devleschi. 14 O Luca, o medico iubime, bișalel tumenghe lesche salutări, hai, vi o Dima. 18 Me o Pavel, scriisarav tumenghe cado saluto mânre vasteia. Încăren ande tumari goghi că som andel lanțuri le phandaimasche! O lașimos nemeritime te avel tumența!