1 Petru
2 Sar niște șiavorre de țâra timpo năștime, camen sea mai but o thud ujo le cuvântosco, caște barion prin leste caring i salvarea, 9 Tha tumen san „iech neamo alosardo, iech rașaimos regalo, iech națiunea sfânto, iech poporo cai te avel iech proprietatea specialo, caște phenen peste sea le calități zurales bare” Codolesche cai achardea tumen anda o tunearico ca leschi lumina minunime. 12 Te avel tumen iech phiraimos lașio mașcar le manușa, ca atunci cana va phenena anda tumende că san manușa cai cheren o nasulimos, von te dichen le șucar buchia cai cheren-le, hai, cadea te den pachiv le Devlesche ande lesco baro ghies. 13 Anda o drago le Raiesco, așunen catar orsavi autoritatea le manușenghi: așunen vi catar o rege cai silo opral tumende, 14 hai vi catar le guvernatori cai sile bișalde lestar caște ortosaren le manușen nasul, tha te așaren codolen cai cheren so si mișto. 17 Den pachiv le manușenghe de orisavo felo, iubin sea le phralen, daran le Devlestar, den pachiv le thagaresche! 20 Oare cheren vareso lașio că suportin cana san marde anda codoia că cărdean iech păcato? Tha, cana suportin hai nachen prin ducha anda codoia că cheren so si mișto, cadai buchi si lași andel iacha le Devlesche. 21 Si ciaces, pe cadai rig sanas acharde, anda codoia că vi o Cristos nachlea prin ducha anda tumende, hai mechlea tumenghe iech modelo caște uștaren chichi mai mișto pe lesche urme. 22 Vo ci cărdea păcato, hai ande lesco mui ci arachlea-pe athaimos. 23 Cana sas prasado ci prasadea parpale. Cana sas-lo duchado ci daravelas chanicas, tha sea o timpo mechelas-pe ando vast Codolesco cai judechil orta. 24 Vo phiradea amare păcatea ande pesco corpo po stâlpo, caște meras ande soste priveal amare păcatea hai te traisaras anda o ortomos. Hai „prin lesche ducha sanas sastiarde”.