Daniel
7 Ando iechto bărș cana railas o Belșațar ando Babilono, le Danielos sas-les iech suno hai dichlea angla peste mai but buchia cana beșelas ande pesco pato. Atunci vo scriisardea o suno hai sea le buchia cai dichlea-le. 2 O Daniel phendea: „Ande le buchia cai dichlem-le angla mande ando timpo la ratiaco, dichlem le ștar barvalea le cerurenghe cai cărde le paia te holiaren-pe andi bari marea. 3 Andai marea avile avri ștar bare fiare, cai ci ameanas iech averaia. 9 Ando timpo so dichlemas, sas șiute niște tronuri hai Codo Phuro Ghiesendar sar beșlea tele. Lesco hureaimos sas parno sar o iv hai o bal pa lesco șăro sas sar i posom uji. Hai lesco trono sas sar i iag, hai le roți cadalesche sas sar i iag cai thabolas. 13 Dichlem mai dur andel viziuni la rachiacă hai dichlem varecas sar iech șiav le manușesco sar avelas le norența le cerosche. Vo sas mechlo te del andre le Phureste Ghiesendar hai sas andino pașe, angla Leste. 14 Hai sas lesche dini stăpânirea, pachiv hai iech regato, ca manușa anda sea le thema, anda sea le națiuni hai anda sea le șiba te slujin lesche savore. Lesco raimos si iech raimos veșnico, cai ci va nachela, hai lesco regato ci va avela distrugime. 15 Me, o Daniel, darailem zurales, anda codoia că le buchia cai dichlem-le angla mande cărde ca mânro ilo te izdral daratar. 16 Pașilem iechestar mașcar codola cai beșelas code ande pânrănde caște pușav-les so sas ciaces cadal buchia. Vo cărdea-ma te hachiarav so dichlem hai phendea: 17 «Cadal ștar bare fiare si ștar regi cai va vazdena-pe andai phuv. 18 Tha le sfinți Codolesche o Mai Baro opral savore, va primina o regato hai va avena te rain o regato anda sea o timpo, da anda sea o timpo, hai veșnico». 26 Tha i Bar chidea-pe ande iech than, hai lestar sas lini i stăpânirea caște avel choslo hai distrugime cu sea. 27 Hai o regato, i stăpânirea hai o barimos le regatengo de tela sea le ceruri sas-le dine le poporosche anda codola sfinți Codolesche o mai Baro. Lengo regato si iech regato veșnico hai sea le stăpâniri va slujina lenghe hai va așunena lendar».