2 Petru
10 Anda codoia, phralale, den vi mai but tumari zor caște arăsăn ciaces ca soste sanas acharde hai alosarde. Dacă cheren vi mai dur sea cadal buchia, ci va perena niciechdata. 12 Anda codoia, camav te anav tumenghe andi goghi sea o timpo cadal buchia, chiar vi cana tumen deja prinjianen-le hai san zurale ando ciacimos cai silo ande tumende. 13 Tha pachiav că si orta ca, chichi som ande cado tabernacolo te uștiavav tumen prin le buchia cai anav-len tumenghe andi goghi, 19 Anda codoia, anda amende, o cuvânto profetico si mai siguro. Hai cheren mișto că len sama lestar sar catar iech lampa cai strălucil ande iech calo than (ji cana cărdiol o ghies hai uștel i bari cerhai), ande tumare ile. 20 Că mai anglal sar sea te jianen că niciech profeția andai Scriptura ci avel anda iech interpretarea personalo. 21 Că i profeția ci sas andini niciechdata prin i voia le manușeschi, tha le manușa dine duma le Devlestar, anda codoia că o spirito sfânto cărdea buchi ande lende.