Neemia
8 Von citisarde voceaia zurali anda o lil, andai Legea le ciace Devleschi hai sicade claro sar trebul hachiardo; cadea, ajutisarde le poporos te hachiarel le buchia citime. 9 Hai o Neemia cai atunci sas-lo guvernatoro, o Ezra cai sas rașai hai scriitoro hai le leviți cai sicavenas le manușen, phende sea le manușenghe: „Cado ghies si sfânto anda o Iehova, tumaro Del. Te na aven duchade hai te na roven!”. Că sea le manușa rovenas cana așunde so phenelas i Legea. 10 Vo phendea lenghe: „Jian, han lașe habena, pien pimata gule hai bișialen haben codolenghe cai nai-len chanci, anda codoia că cado ghies si sfânto anda amaro Rai. Na aven duchade, că i bucuria le Iehovaschi si tumaro zuralimos!”. 11 Hai le leviți caște zuriaren sea le manușen phende: „Na mai roven, că cado ghies si sfânto! Na mai aven duchade!”.