1 Corinteni

11 Len tumen pala mande, cadea sar vi me lav-ma pala o Cristos. 3 Tha camav te jianen cadaia: o șăro orisave murșesco si o Cristos, o șăro la jiuvleaco si o murș hai o șăro le Cristososco si o Del. 20 Cana chiden-tume savore ande iech than, tumen ci cheren cadai buchi caște han i Cina le Raieschi. 23 Că primisardeam catar o Rai so vi phendeam tumenghe: că o Rai Isus, andi riat cai sas te avel bichindo, lea iech manro 24 hai, pala so andea mulțumiri phaglea-les hai phendea: „Cadava reprezentil mânro corpo, cai del-pe anda tumende. Continuin te cheren cadai buchi ande mânri amintirea”. 25 Pala so lea i cina, vo cărdea sa cadea vi le paharoia, hai phendea: „Cado paharo reprezentil o nevo legământo, pi baza mânră rateschi. Continuin te cheren cadai buchi ande mânri amintirea de fiesavi data cana va piena les”. 26 Anda codoia că, de fiesavi data cana va hana cado manro hai va piena cado paharo, continuin te vestin le Raiesco merimos ji cana va avela vo. 27 Cadea că, oricon hal o manro sau piel o paharo le Raiesco, bi te avel anda leste, va avela doșalo anda o mas hai o rat le Raiesco. 29 Anda codoia că con ci hachiarel că so hal sau piel sicavel că si o corpo le Raiesco, hal hai piel i cris contra pesche.