Luca
15 Hai sea codola cai chidenas le impozitea hai le păcătoși, chidine-pe pașa leste caște așunen-les. 2 Vi le farisei hai vi le scribi rovarenas-pe: „Cado manuș primil codolen păcătoși hai hal lența”. 3 Atunci vo phendea lenghe cadai ilustrarea: 4 „Dacă ieches anda tumende siles 100 bacrea hai hasarel iech anda lende, ci va mechela vo codolen 99 ando pustio caște jial te rodel la bacrea cai hasardili, ji cana va arachela-la? 5 Hai cana arachel-la, șiol-la pe pesche dume hai bucuril-pe. 6 Hai cana arăsăl chăre, acharel pesche amalen hai le vecinen hai phenel lenghe: «Aven bucurime ande iech than manța, anda codoia că arachlem mânra bacrea cai sas hasardi». 7 Phenav tumenghe că, sa cadea, va avela mai bari bucuria ando cerii anda iech corcoro păcătoso cai risarel-pe catar pesco phiraimos nasul sar anda 99 manușa orta cai ci trebun te paruven pengo phiraimos. 10 Sa cadea, phenav tumenghe că le îngeri le Devlesche bucurin-pe anda iech corcoro păcătoso cai risarel-pe catar pesco phiraimos nasul”. 13 Chichiva ghiesa mai târzio, o șiav mai țâno chidea sea pesche buchia hai tiliardea ande iech them duriardo. Code hasardea sea pesco barvalimos anda codoia că îngărelas iech viața rimome. 17 Cana avilea goghiate, vo phendea: «Sea le manușen cai cheren buchi ca mânro dad silen but manro, hai me merav cade bochatar! 18 Va avela te tiliarav hai te jiav parpale ca mânro dad; hai va avela te phenav lesche: „Dade, păcătuisardem contra o cerii hai contra tuche. 19 Ci mai som demno te phenel-pe manghe că som chio șiav. Mech-ma te avav sar iech anda che manușa cai cheren tuche buchi”». 20 Cadea, tiliardea hai gălea ca pesco dad. Cana sas-lo încă dur, lesco dad dichlea-les hai cărdilea lesche iech bari mila lestar. Nașlea caring leste, lea-les andi angali hai ciumidea-les pherdo iubirea. 21 Atunci o șiav phendea: «Dade, păcătuisardem caring o cerii hai caring tute. Ci mai som demno te phenel-pe manghe că som chio șiav». 22 Tha o dad phendea caring pesche sclavi: «Sigo! Anen iech hureaimos, o mai lașio, den-les pe leste hai șion lesche iech angrusti po nai hai sandalea andel pânre. 23 Sa cadea, anen o thulo guruvaș hai șinen-les. Te has hai te încăras iech sărbătoarea, 24 anda codoia că cado șiav mânro sas-lo mulo hai avilea parpale viațate, sas-lo hasardo hai sas-lo arachlo». Hai șiute-pe te sărbătorin.