Eclesiasto

3 Anda orisavi buchi si iech timpo alosardo, iech timpo anda sea so cherel-pe tela o cerii: 2 iech timpo caște năștis-tu hai iech timpo caște meres; iech timpo te șioas andi phuv hai iech timpo te țârdas avri so sas șiuto andi phuv; 3 iech timpo te mudaras hai iech timpo te sastiaras; iech timpo te peravas hai iech timpo te vazdas opre; 4 iech timpo caște roves hai iech timpo caște asas; iech timpo te rovares i duch anda chio ilo hai iech timpo caște cheles; 5 iech timpo te șiudas bara hai iech timpo te chidas bara; iech timpo te das angali hai iech timpo te na das angali; 6 iech timpo te rodas hai iech timpo te acceptosaras iech hasarimos; iech timpo te încăras hai iech timpo te șiudas; 7 iech timpo te șinas hai iech timpo te suvas; iech timpo te na das duma hai iech timpo te das duma; 8 iech timpo te iubisaras hai iech timpo te urâsaras; iech timpo anda o marimos hai iech timpo anda i pacea; 11 Vo cărdea orisavi șucar buchi ca laco timpo. Chiar șiutea vi i veșnicia ando ilo le manușengo; cu sea cadala von ci va daștina te prinjianen niciechdata catar o începuto ji co sfârșito i buchi cai cărdea-la o ciacio Del. 12 Hachiardem că chanci na-i mai lașio anda le manușa sar te aven voime hai te cheren so si mișto andi viața 13 hai orisavo manuș te hal, te piel hai te bucuril-pe sea pesca buchiatar. Cado si o daro le Devlesco. 20 Savore jian sea ande codo than. Savore sile anda phuv hai savore risaren-pe andi phuv.