Marcu
1 O începuto la vesteachi lași anda o Isus Cristos, o Șiavo le Devlesco: 2 Ando lil le profestosco Isaia si scriime: („Dich că bișalav mânre manușes angla tute, hai vo va lașiarela chio drom.”) 3 „Varecon del cingar ando șuco than: «Lașiaren o drom le Iehovasco! Cheren orta lesche droma!»”. 4 O Ioan Botezătoro sas-lo ando șuco than, delas duma anda o bolimos hai sicavelas că prin cado daștinas te risaren-pe catar le păcătea hai te aven iertime. 9 Ande codola ghiesa, o Isus avilea anda o Nazareto anda Galileea hai sas boldo le Ioanostar ando Iordan. 10 Sigo pala so vazdea-pe anda o pai, vo dichlea sar le ceruri pâtărde-pe hai o spirito avilea opral leste, sar iech porumbelo. 14 Pala soste o Ioan sas-lo phandado, o Isus gălea andi Galileea. Code, vo predichisardea i vestea lași le Devleschi. 17 O Isus phendea lenghe: „Aven pala mande hai va avela te cherav tumen pescari manușenghe!”. 32 Cana avilea i riat, pala so pelea o cham, le manușa începosarde te anen leste sea le nasfalen hai codolen demonizați. 33 Sea o foro sas-lo chidino ca o udar le chăresco. 34 Cadea, vo sastiardea bute manușen saven sas-len but feluri nasfalimata hai încaladea bute benghen, tha ci mechlea le benghen te den duma, anda codoia că jianenas că vo sas-lo o Cristoso. 35 De teharin, cana încă sas tunearico, vazdea-pe, gălea avri hai tiliardea ande iech than mai garado, hai code începosardea te manghel-pe. 40 Hai leste avilea iech leproso, cai manghelas-les zurales ande cianghende hai phenelas lesche: „Dacă cames, daștis te cheres-ma ujo”.