Neemia

2 Ando șion nisan, ando 20-to bărș le regesco Artaxerxes, cana i mol andea-pe angla leste sas. Cadea sar somas sicado sea o timpo lem i mol hai dem-la lesche. Tha, niciechdata ci somas cadea de perado angla leste. 7 Hai phendem le regesche: „Dacă o rege pachial că si mișto, te del-pe manghe lila anda codola cai rain andi coaver rig le Leneschi caște mechen man te nachav-les părdal hai te arăsav mișto andi Iuda, 8 hai vi iech lil caring o Asaf, codo cai lel sama po veș le regesco, caște del man cașta te cherav grinzi anda le udara anda i Fortăreața le Temploschi, anda le ziduri le forosche hai anda o chăr ande savo va avela te beșav”. Cadea că, o rege dea-len manghe, anda codoia că o lașio vast mânre Devlesco sas pe mande.