1 Ioan

4 Mânre cuci phrala, te na pachian orisavi declarația inspirime, tha roden le declarații inspirime caște dichen dacă sile le Devlestar, anda codoia că andi lumea avile but profeți cai ci phenen o ciacimos. 7 Mânre cuci phrala, te iubisaras-ame vi mai dur iech averes, anda codoia că i iubirea si le Devlestar, hai con iubil sas năștime anda o Del hai prinjianel le Devles. 8 Con ci iubil ci arăslea te prinjianel le Devles, anda codoia că o Del silo iubirea. 9 Cadea sas sicadi i iubirea le Devleschi anda amende: o Del bișaldea andi lumea pesche Șiaves unico-năștime ca amen te avel-ame viața prin leste. 10 Cadaia si i iubirea: na că amen iubisardeam le Devles, tha vo iubisardea amen hai bișaldea pesche Șiaves sar jertfa de împăcare anda amare păcatea. 11 Mânre cuci phrala, dacă cadea iubisardea-ame o Del, vi amen si amen i obligația te iubisaras-ame iech averes. 19 Amen iubisaras anda codoia că vo sas o dintuno cai iubisardea amen. 20 Cana choniva phenel: „Me iubiv le Devles”, tha urâl pesche phrales, si iech hohamno. Anda codoia că, con ci iubil pesche phrales, cas dichel, ci daștil te iubil le Devles, cas ci dichel. 21 Hai primisardeam lestar cadai porunca: Con iubil le Devles trebul te iubil vi pesche phrales.