Psalmii
3 Sicav manghe lașimos, o, Iehova, anda codoia că sea o ghies dav cingar caring tute! 4 Bucurisar o ilo che manușesco anda codoia, că jiav caring tute, o, Iehova! 5 Că tu, o, Iehova san lașio hai gata te iertis; san barvalo andi iubirea loialo caring sea codola cai acharen tut. 6 Așun, o, Iehova, mânro manglimos hai le sama ca mânre zurale manglimata anda ajutorii! 7 Acharav-tu ando ghies mânre pharimasco, anda codoia că tu va avela te des-ma răspunso. 8 Na-i chonic sar tu mașcar le Devla, o, Iehova, ci si buchia cadea sar chire! 11 Sicav man, o, Iehova, chio drom! Va avela te phirav ande chio ciacimos. De man iech ilo cai ci țârdel ande dui riga caște daral che anavestar. 12 Așarav tut, o, Iehova, mânro Del, anda sea o ilo, va avela te dav pachiv che anavesche anda sea o timpo, 15 Tha tu, o, Iehova, san iech Del îndurătorii hai pherdo compasiunea, cai ci holiavel-pe sigo hai barvalo andi iubirea loialo hai ciacimos.