Psalmii
103 Camav te așarav le Iehovas, sea so si ande mande te așarel lesco sfânto anav! 5 Vo ciailiarel-tu chi sasti viața lașe buchianța, anda codoia chio tărnimos neviarel-pe sar iecha acvilache. 7 Vo cărdea prinjiande le Moisesche pesche riga hai le șiavenghe le Israelosche lesche lașe buchia cai cărde-le. 8 O Iehova si îndurătorii hai pherdo mila, ci holiarel-pe sigo hai silo barvalo andi iubirea loialo. 9 Vo ci va doșarela anda sea o timpo, ci va încărela holi veșnico. 10 Vo ci phiradea-pe amența pala amare păcatea, ci dea amenghe so meritisaras anda le jiungale buchia cai cărdeam-le. 11 Că chichi de dur sile le ceruri catar i phuv, cadea de bari si leschi iubirea loialo anda codola cai daran lestar. 12 Chichi de dur si o than catar vazdel-pe o cham le thanestar cai jial tele, cadichi de but duriardea vo amendar amare păcatea. 13 Cadea sar iech dad sicavel îndurarea caring pesche șiave, sa cadea o Iehova sicadea îndurarea caring codola cai daran lestar. 14 Că vo jianel mișto sar sam cărde, anel pesche amintea că sam phuv. 17 Tha i iubirea loialo le Iehovaschi încărel veșnico caring codola cai daran lestar hai lesco ortomos, caring le șiave lenghe șiavenghe, 20 Așaren le Iehovas, tumen sea lesche îngeri, bare ando zuralimos, cai așunen catar lesco glaso hai cheren so phenel vo!