Eclesiasto

11 Șiude chio manro po paia, că pala but ghiesa va avela te araches-les pale. 4 Con dichel pala i barval ci va șiola andi phuv hai con dichel pala le nori ci va chidela. 6 De teharin șiu chi sămânța andi phuv hai ji cana avel i riat na mech te beșel chio vast, anda codoia că ci jianes savi va înclela, cadaia sau codoia, sau dacă le dui va avena sa cadea de lașe. 9 Bucurisar-tu, tărneia, ande chio tărnimos hai te bucuril-pe chio ilo andel ghiesa che tărnimasche. Phir pe-l riga che ilesche hai andel buchia cai dichen-le che iacha. Tha te jianes că anda sea cadala o ciacio Del va anela-tu la crisate. 10 Cadea că duriar i holi anda chio ilo hai șiude anda chio mas sea so si jiungalo, că o tărnimos hai o tărno timpo la viațaco sile sar i barval.