2 Corinteni

4 Anda codoia, că si amen cado servicio prin o lașimos cai sas amenghe sicado, amen ci mechas-ame. 4 caște na daștil te arăsăl ande late o udud le șucar lașe vesteaco anda o Cristos, savo si o chipo le Devlesco anda codola bi pachiamasco, savenghe o del cadale sistemosco coriarde lenghi goghi. 7 Cu sea cadala, amen si amen cado barvalimos ande vase cărde andai phuv, ca o zuralimos cai si mai baro sar oriso te avel le Devlestar na amendar. 8 Sam zurales spidime ande sea-l feluri, tha na cadea de but te na daisaras te mișchisaras-ame; sam ando pharimos, tha na cadea te na încleas avri; 9 sam persecutime, tha ci sam mechle; sam șiudine ca i phuv, tha ci sam distrugime. 13 Cadea că, anda codoia că si amen sa codo spirito pachiamasco sar codo anda savo si scriime: „Sicadem pachiamos, anda codoia dem duma”, vi amen sicavas pachiamos anda codoia das duma, 16 Anda codoia, amen ci mechas-ame, tha, chiar cana o manuș cai sam de avreal rimol-pe, o manuș cai sam de andral neviarel-pe ghies pe ghieseste. 17 Căci o pharimos, chiar dacă încărel iech țâra hai silo ușoro, cherel buchi ande amende caște del-ame iech pachiv cai bariol sea mai but hai cai sili anda sea o timpo, 18 anda codoia că amen încăras amaro dichimos na caring le buchia cai dichion-pe, tha caring le buchia cai ci dichion-pe. Anda codoia că le buchia cai dichion-pe nachen, tha le buchia cai ci dichion-pe sile veșnico.