Isaia

13 I cris contra o Babilono cai o Isaia, savesco dad sas o Amoț, dichlea-la angla peste ande iech viziunea: 6 Roven hai den cingar duchatar, că o ghies le Iehovasco si pașă! Vo va avela sar iech distrugerea catar Codo o Mai zuralo. 17 Ita că vazdav contra lenghe le mezi, cai angla lende o rup si bi valoareaco hai ci arachen peschi plăcerea ando somnacai. 18 Lenghe arcuri va phagherena le tărnen. Ci va avela-le mila le rodostar le pântecosco, nici ci sicavena îndurarea caring le țâne șiave. 19 O Babilono, o baro șucarimos le thagarimatango, o șucarimos hai o phuchiarimos le caldeenengo, va arăsăla sar i Sodoma hai Gomora, cana distrugisardea-le o Del. 20 Ci va mai beșela chonic ande leste hai ci va mai așela chonic ande leste, anda generația ande aver generația. O arabo ci va mai șiola peschi țărha code hai le păstori ci va mai șiona pesche turme te soven code. 21 Le animalea anda o deșerto va sovena code hai lesche chăra va avena pherde buhe. Le struți va beșena code hai le buzne cai sicaven sar demoni va hutena code. 22 Le animalea va dena cingar ande lesche turnuri hai le șacali va rovena ande lesche șucar palatea. O timpo lesca crisaco si pașă hai lesche ghiesa ci va mai avena bariarde”.