1 Regi
3 Ande sea codo timpo, o Ahab phendea te avel leste o Obadia, cai lelas sama po chăr. (O Obadia daralas zurales but le Iehovastar). 12 Cana va avela te tiliarav tutar, o spirito le Iehovasco va îngărela-tu ande iech than cai me ci va avela te prinjianav-les. Hai, cana va avela te phenav cadaia caring o Ahab, hai ci va arachela-tu, vo ciaces va mudarela-ma. Tha, chio slujitorii daral le Iehovastar anda lesco tărnimos. 13 Ci sas phendo mânre raiesche so cărdem cana i Izabela mudarelas le profețen le Iehovasche, sar garadem 100 anda le profeți le Iehovasche, hulade câte 50 ande iech peștera, hai dem-le manro hai pai? 14 Tha acana tu phenes: «Jia hai phen che raiesche: „O Ilie silo cade”». Vo ciaces va mudarela-ma”. 21 Atunci o Ilie pașilo catar o poporo hai phendea: „Ji cana ci va jianena ande caste te pachian? Dacă o Iehova si o ciacio Del, jian pala leste; tha, dacă si o Baal, jian pala leste!”. Tha o poporo ci phendea parpale nici iech cuvânto.