Iov

4 Che dumes vazdine opre codoles cai peravelas-pe hai tu zuriardean codolen savenghe cianga banghionas. 15 Iech spirito nachlea părdal mânro mui; uștilea o bal pe mânro corpo. 16 Pala codoia așadea-pe, tha ci prinjiandem-les. Vareso bihachiardo sas angla mânre iacha. Sas liniștea, hai pala codoia așundem iech glaso: 17 «Daștil o manuș cai merel te avel mai orta sar o Del? Sau daștil o manuș te avel mai ujo sar Codo cai cărdea-les?». 19 Cadichi mai but codolenghe cai beșen andel chăra lutosche, cai sile cărde andai phuv hai phagărde sa cadea de ușoro sar i molia! 20 De teharin ji cana avel i riat sile phagărde, ci va mai avena niciechdata hai chonic ci dichel cadai buchi.