2 Cronici

15 Cana o Iehoiada sas-lo phuro hai ciailo catar but ghiesa, vo mulea. Les sas-les 130 bărșa cana mulea. 16 Vo sas-lo prahome ando foro le Davidosco, pașa le regi, anda codoia că cărdea but lașe buchia ando Israelo, anda o ciacio Del hai anda Lesco chăr. 17 Pala so mulea o Iehoiada, le prinți anda Iuda avile hai dine cianga angla o rege. Hai o rege așundea-le. 18 Von mechle o chăr le Iehovasco, o Del lenghe phurengo hai astarde te den cianga angla le cașta sacro hai angla le idoli, cadea că i holi le Devleschi avilea opral o Iuda hai o Ierusalimo anda lenghi doș. 25 Cana le sirieni duriarde-pe lestar (că mechle-les code dino dab mai butivar), chiar lesche slujitori cărde iech plano nasul contra lesche anda codoia că șiordea o rat le șiavengo le rașaiesche Iehoiada. Von mudarde-les ande lesco pato. Cadea că vo mulea hai sas-lo prahome ando Foro le Davidosco, tha na andel mormintea le regenghe.