Romani
9 Că o Del, anda savo cherav iech buchi sfânto anda sea o ilo hai phenav i vestea lași anda lesco șiavo, jianel mișto că sea o timpo phenav lesche anda tumende ande mânre manglimata, 11 Că camav but te dichav tumen, caște dav tumen iech daro spiritualo caște zuriarel tumen 12 sau, mai sigo, caște zuriaras-ame iech averes, fiesavo prin o pachiamos le coaveresco, me prin tumaro, hai tumen prin mânro. 14 Si man iech datoria vi caring le greci, vi caring le străini, vi caring codola goghiaver, hai vi caring codola ca ci silen lil; 15 anda codoia, camav anda sea o ilo te phenav vi tumenghe i vestea lași, codolenghe cai san andi Roma. 16 Că na-i manghe lajiav la vesteasa lași; voi si o zuralimos le Devlesco cai salvil oricas siles pachiamos, mai anglal le iudeos hai pala codoia le grecos. 17 Prin cadaia sicavel-pe o ortomos le Devlesco, hai codolen cai sile pachiamos dichen cadaia hai zuriaren pengo pachiamos, cadea sar si scriime: „Tha codo orta va traila prin pachiamos”. 20 Că lesche calități nedichle, da, lesco zuralimos veșnico hai lesco devlicanimos, dichion-pe claro de cana si cărdi i lumea, anda codoia că sile hachiarde andal buchia cărde, cadea că nai-le niciech scuza. 25 Von parude o ciacimos le Devlesco ande iech hohaimos hai andine închinarea hai slujisarde la creațiache, na le Creatorosche – vo te avel așardo anda sea o timpo. Amin! 26 Cadea că, o Del mechlea-le te peren ande le pofte sexualo lajiavune, anda codoia că lenghe jiuvlea parude le relații normalo, averența cai ci sile normalo; 27 sa cadea, vi le murșa mechle penghe relații normalo le jiuvleanța hai, ande lenghi dorința, astarde-pe iech caring aver hai cărde buchia zurales jiungale, murșa murșența hai primisarde ande pende i pedeapsa cai meritinas-la anda lengo nasulimos. 28 Hai, anda codoia că ci camle te prinjianen le Devles, o Del mechlea-le te cheren pala penghi goghi, buchi cai les ci placeal-les, cadea că von cheren buchia cai ci sile lașe. 32 Hai, chiar cana cadala prinjianen zurales mișto i hotărârea orta le Devleschi - că oricon cherel buchia sar cadala meritil te merel -, na numai că cheren-le mai dur, tha vi încăren codolența cai cheren cadal buchia.