Proverbe

2 Codo cai phirel ando ortomos daral le Iehovastar, tha codo cai phirel po droma banghe prasal-les. 7 Ași dur catar o manuș cai nai-les goghi, că ci va aracheia prinjianimos pe lesche ușta. 15 Codo cai nai-les experiența pachial orisavo cuvânto, tha codo cai gândil-pe de mai anglal, lel sama ca pesche pași. 23 Orisavi buchi phari anel miștimata, tha cana varecon numai del duma arăsăl ciorro. 30 Iech ilo calmo si viața anda corpo tha i invidia si chernimos anda le cocala. 31 Con athavel le ciores sicavel că dichel tele Codoles cai cărdea-les, tha con sichavel mila le cioresche așarel Les.