Psalmii

27 O Iehova si mânri lumina hai mânri salvarea. Castar te darav? O Iehova si o garaimos mânra viațaco. Castar te darav? 2 Cana le manușa nasul avile contra mande caște han sea mânro mas, mânre dușmani sas codola cai poticnisarde-pe hai pele. 3 Vi cana iech armata avelas contra mande, mânro ilo ci daralas. Vi cana iech marimos avelas contra mande, sea pherdo pachiamos avavas. 9 Na garav chi fața mandar! Na risar o dumo che slujitoresche ande chi holi! Tu san mânro ajutorii. Na duriar-tu mandar hai na mech-ma, mânro Del cai salvil-ma! 10 Chiar cana mânro dad hai mânri dei avelas te mechen-ma, o Iehova avelas te lel-ma peste. 12 Na de man andel vasta mânre dușmanenghe, că niște martori hohamne vazdine-pe contra manghe hai daraven-ma că maren-ma. 13 Cai avelas te avav bi pachiamasco că va dichaia o lașimos le Iehovasco ando them codolengo jivde? 14 Sperisar ando Iehova, av tromano hai chio ilo te avel zuralo! Da, sperisar ando Iehova!