1 Ioan
3 Gândisaren tumen so bari iubirea sicadea amenghe o Dad, că phenel-pe amenghe că sam le șiave le Devlesche! Hai cadaia sam. Anda codoia ci prinjianel amen i lumea, că ci arăslea te prijianel-les. 8 Con cherel o păcato avel le Benghestar, anda codoia că o Beng cherel o păcato catar o începuto. Anda codoia sas cărdo prinjiando o șiav le Devlesco: caște chosel cu sea le buchia le Benghesche. 10 Le Devlesche șiave hai le Diavolosche șiave sile prinjiande prin cadaia: Con ci cherel so si orta ci avel le Devlestar, nici con ci iubil pesche phrales. 11 Că ita o mesajo cai așundean-les catar o începuto: te iubisaras-ame iech averes; 12 Te na avas sar o Cain, cai avelas codolestar nasul hai cai mudardea pesche phrales. Hai sostar mudardea-les? Anda codoia că le buchia cai cherelas-len vo sas nasul, tha lesche phralesche sas-le ciace. 15 Con urâl pesche phrales si iech ucigașo hai tumen jianen că ande niciech ucigașo ci așel viața veșnico. 16 Ame arăsleam te prinjianas i iubirea anda codoia că vo dea peschi viața anda amende; hai amen si amen i obligația te das amari viața anda amare phrala. 17 Tha, dacă varecas siles le buchia materialo cadala lumeache hai dichel pesche phrales că silo andi nevoia hai ci sicavel lesche compasiunea, sar daștil te așel ande leste i iubirea anda o Del? 18 Șiavale, amen ci trebul te iubisaras numai prin vorba sau prin mui, tha vi prin fapta hai ciacimos! 19 Prin cadaia va avela te jianas că avas anda o ciacimos hai că va cheraia ca amaro ilo te avel zuralo angla o Del 20 chiar cana o ilo daștilas te doșarel-ame, anda codoia că o Del silo mai baro sar amaro ilo hai prinjianel sea. 21 Mânre cuci phrala, dacă amaro ilo ci doșarel-ame, daisaras te pâtras amaro ilo angla o Del; 22 sa cadea, primisaras lestar orisavi buchi mangas, anda codoia că încăras lesche porunci hai cheras so si mișto ande lesche iacha. 23 Ciaces, cadaia si leschi porunca: te avel-ame pachiamos ando anav lesche Șiavesco, o Isus Cristos, hai te iubisaras-ame iech averes, cadea sar vo poruncisardea amenghe.