Romani

15 Amen cai sam zurale ando pachiamos, trebul te phiravas le covlimata codolenghe cai ci sile zurale hai te na placial amen amendar. 2 Fiesavo mașcar amende te cherel so si mișto pesche pașardesche, ca vo te dichel amen lașe iachența, hai cadea te zuriaras-les. 3 Anda codoia că nici o Cristos ci placia-pe pes, tha sas cadea sar sas scriime: „Le prasaimata codolenghe cai prasan tut pele opral mande”. 4 Că sea so sas scriime mai anglal sas scriime anda amaro sicaimos, caște na mechas amen hai amaro ilo te avel zuriardo anda le Scripturi hai cadea te avel amen speranța.” 7 Cadea că, primisaren tumen anda ilo iech averes, cadea sar vi o Cristos primisardea tumen anda ilo, caring i gloria le Devleschi. 13 O Del cai del speranța te cherel ca tumare ile te aven pherde bucuria hai pacea anda codoia că pachian tumen ande leste hai, cadea, te avel tumen but speranța prin o zuralimos le spiritosco sfânto. 16 Voi sas manghe dini caște avav angla savore o manuș le Cristososco Isus anda le națiuni hai te cherav i buchi sfânto anda i vestea lași le Devleschi, hai cadea te aven cadal națiuni iech ofranda lași, sfințome spiritosa sfânto. 30 Mangav tumen phralale, prin amaro Rai o Isus Cristos hai prin i iubirea cai avel le spiritostar, te manghen tumen anda sea o ilo le Devlesche anda mande, cadea sar cherav vi me. 33 O Del cai del pacea te avel savorența anda tumende! Amin!