2 Corinteni
6 Anda codoia că cheras buchi ande iech than leia, sa cadea, zuriaras tumen te na len o lașimos nemeritime le Devlesco ca pala codoia te hasaren anda tumaro dichimos lesco scopo. 2 Că vo phenel: „Ande iech timpo lașimasco așundem-tu hai ande iech ghies salvareaco ajutisardem-tu”. Ita, acana o timpo lașimasco silo ande iech modo mai deosebime! Ita, acana si o ghies anda i salvarea! 3 Amen ci cheras niciech buchi cai daștilas te peravel le coaveren, caște na arachen vroiech doș ande amaro servicio, 4 tha, ande orisavi buchi, sicavas că sam manușa le Devlesche: prin o fapto că ci mechas amen andel but zumaimata, andel necazurea, andel nevoi, andel pharimata, 5 andel marimata, andel phandaimata, andel revolte, andel phare buchia, andel rachia bi soimasco, andel ghiesa bi habenesco; 6 sa cadea, prin ujimos, prin prinjianimos, prin răbdarea, prin lașimos, prin o spirito sfânto, prin iubirea nehohamni, 10 sar cana sam duchade, tha cu sea cadala sea o timpo bucurisaras amen, sar cana sam ciore, hai cu sea cadala, das bute manușenghe caște aven barvale, sar cana ci si amen chanci, tha cu sea cadala si amen sea le buchia. 11 Pâtărdeam amaro mui caște das duma tumența, corinteni, hai pâtărdeam buhles amaro ilo caring tumende. 12 Amen ci încărdeam amen parpale te sicavas sea amari iubirea caring tumende, tha tumen încărdean tumen parpale te sicaven tumari iubirea tandro caring amende. 13 Anda codoia, sar răspunso ca amari iubirea – dav duma tumența sar mânre șiavența – , pâtren vi tumen buhles tumaro ilo! 14 Na șion tumen ande iech jugo inegalo codolența cai sile bi pachiamasco. Că so phanglimos si le ortomos le nasulimaia? Sau so buchi si mașcar o udud hai o tunearico? 17 „«Anda codoia, înclen anda lengo mașcar hai beșen dur lendar», phenel o Iehova, «hai na mai șion o vast pe soste si neujo”, hai va avela te „primisarav tumen”. 18 „«Me va avela te avav tumenghe dad, hai tumen va avena manghe șiave hai șeia», phenel o Iehova Codo O Mai Zuralo.”