2 Corinteni
7 Cadea că, cuci phralale, anda codoia că si amen cadal promisiuni, te ujiaras-ame catar sea so meliarel o corpo hai o spirito hai te avas sea mai sfinți andi dar caring o Del. 5 Cadea că, cana arăslem andi Macedonia ci sas amen liniștea, tha sas amen pharimata de orisavo felo: avri sas marimata, andral daraimata. 9 acana som voime, na anda codoia că sanas duchade ando ilo, tha anda codoia că sanas duchade ando ilo ji cana arăslean te fal tumen ciaces pharo. Sanas duchade ando ilo pala i voința le Devleschi, cadea că na-i tumen niciech hasarimos anda amari rig. 11 Că ita ce buchia andea pe tumende o fapto că sanas duchade ando ilo pala i voința le Devleschi, da, ce phari buchi, ce but camlean te avel tumen pale iech anav lașio, ce bari holi, ce dar le Devlestar, ce but camlean te căin tumen anda ilo, ce zelo, ce ortomos le nasulimasco! Ande cado pharimos, sicadean că san uje ande sea le buchia.