Romani
14 Primisaren anda ilo codoles cai siles iech pachiamos mai covlo, bi te judechin le buchia cai phenel-le. 4 Con san tu te judechis le servitoros averesco? Anda lesco stăpâno beșel ande pânrănde sau perel. Tha va beșela ande pânrănde, anda codoia că o Iehova daștil te cherel-les te beșel ande pânrănde. 5 Iech pachial că iech ghies silo mai baro sar aver, ando timpo so aver pachial că sea le ghiesa sile sar le coaver. Fiesavo te jianel ciaces ande peschi goghi so pachial. 8 Că, dacă traisaras, anda o Iehova traisaras hai, dacă meras, anda o Iehova meras. Cadea că, ori că traisaras, ori că meras, sam le Iehovasche. 10 Tha tu sostar judechis che phrales? Sau sostar prasas che phrales? Că savore va avela te beșas angla o scamin de judecată le Devlesco. 11 Anda codoia că si scriime: „«Jiuvindo som me», phenel o Iehova, «că orisave cianga va mechena-pe tele angla mande hai orisavi șib va phenela zurales că me som o Del»”. 12 Cadea că, fiesavo anda amende va dela socoteala anda peste le Devlesche. 19 Cadea că te rodas le buchia cai îngăren ca i pacea hai le buchia cai cheren te zuriaras amen iech averes. 20 Na mai den tele i buchi le Devleschi anda iech haben! Si ciaces că sea le buchia sile uje, tha si nasul ca iech manuș te hal dacă cadai buchi anel poticnirea. 21 Si mai mișto te na has mas, te na pies mol hai te na cheres niciech aver buchi cai daștil te peravel che phrales.