Levitico
5 Dacă varecon sas martoro cana cărdea-pe iech păcato, dichlea sau așundea vareso anda cadaia hai așunel iech anunțo publico prin savo manghel-pe te șiol mărturia, tha ci cherel prinjiando so jianel, păcătuil hai trebul te răspunzol anda lesco păcato. 7 Tha, dacă ci daștil te anel iech bacri, te anel le Iehovasche sar jertfa anda i doș dui turturele sau dui țâne porumbei chăresche, iech ciricli sar jertfa anda o păcato hai iech ciricli sar jertfa thabardi. 11 Tha, dacă ci daștil te anel dui turturele sau dui țâne porumbei chăresche, te anel sar jertfa anda o păcato, i deș-to partea anda iech efa de aro ujo. Te na șiol leste uleio hai nici te na șiol tămâia parni opral leste, anda codoia că si iech jertfa anda o păcato.