Judecătorii

14 Cana arăslea ando Lehi, le filisteni încliste angla leste hai astarde te den cingar anda penghi victoria. Atunci o spirito le Iehovasco zuriardea-les, hai le dorea cai încărenas lesche vasta cărdile sar le thava anda ino thabarde catar i iag hai le phanglimata pa lesche vasta biladile. 15 Vo arachlea iech falca ieche măgaroschi cai încă ci șuchilea-pe, zinghiardea pesco vast, lea-la hai mudardea laia 1 000 murșa. 16 Atunci o Samson phendea: „Ieche măgarosche falcaia, iech grămada, dui grămezi! Ieche măgarosche falcaia mudardem 1 000 murșa!”. 19 Cadea că, o Del cărdea te pâtrel-pe iech hâv cai sas-li ando Lehi hai o pai șiorelas-pe anda late. Vo pilea, hai cadea astardea pale zuralimos hai sas-lo pherdo viața. Anda codoia, vo șiutea codole thanesche o anav En-Hacore, hai cado si ando Lehi vi aghies.