Judecătorii

14 Atunci o Samson gălea tele andi Timna hai code dichlea iech jiuvli filisteano. 2 Pala codoia gălea opre cai sas lesco dad hai leschi dei hai phendea lenghe: „Dichlem andi Timna iech jiuvli filisteano hai camav te len-la manghe sar rromni”. 3 Lesco dad hai leschi dei phende lesche: „Ci daștis te araches niciech jiuvli mașcar che neamuri hai sea amaro poporo? Trebul te jias te les tuche rromni catar le filisteni cai ci sile circumciși?”. Tha o Samson phendea pesche dadesche: „Cadala te les-la manghe, anda codoia că voi sili cuci ande mânre iacha”. 4 Lesco dad hai leschi dei ci dine penghi sama că cadai buchi sas-li catar o Iehova, că Vo rodelas te jial contra le filisteni. Ande codol ghiesa, le filisteni rainas opral o Israelo.